أداة التطوير المهني للمعلمين

جهّز دوراتك مرة وحدة، وأضفها لفارس بضغطة. أداة مستقلة غير تابعة لوزارة التعليم

تساعد المعلم يجهّز دورات التطوير المهني مرة وحدة، يتأكد منها، ويضيفها لصفحة "بيانات الأنشطة للتطوير المهني" في نظام فارس بدل ما يكتبها دورة دورة. المميزات • جدول لدوراتك: اسم النشاط، الجهة، تاريخ البداية والنهاية، منفذ أو مستفيد، نوع النشاط، ونوع المدة والمدة. • استيراد الدورات من ملف Excel أو CSV، مع قالب جاهز فيه قوائم منسدلة بنفس قوائم فارس. وقت الاستيراد تختار: تضيفها للمجموعة الحالية (والدورة المكررة بنفس الاسم وتاريخ البداية ما تنضاف) أو لمجموعة جديدة. • إضافة دورة من رابط شهادة فيوتشر إكس: الصق الرابط، وتطلع لك الدورة جاهزة (الاسم والجهة والتاريخ والساعات)، والشهادة نفسها ما تنضاف مرتين. • فحص قبل الإضافة: ينبهك على الخانات الناقصة، ويقترح التصحيح لو الجهة أو نوع النشاط مكتوب بطريقة ثانية. • التواريخ تنعرض وتنحفظ بالهجري، ولو كتبتها بالميلادي تتحول تلقائيًا. • مجموعات: رتّب دوراتك في أكثر من مجموعة، وانقل أي دورة لمجموعة ثانية بسحبها لاسم المجموعة (تنتقل بحالتها)، وصدّرها لملف Excel. • الإضافة لفارس: تعبّي الصفوف وحدة وحدة، وتوريك الخطوة الحالية والتقدم، وتقدر توقفها أي وقت. بعد آخر دورة تضغط "حفظ" مرة وحدة. • أضفت دورة لفارس بنفسك؟ علّمها "تم الرفع" يدويًا، تصير خضراء وتنحسب مضافة، والأداة ما تضيفها مرة ثانية. طريقة الاستخدام 1. اضغط أيقونة الأداة، ثم "فتح صفحة الدورات". 2. أضف دوراتك يدويًا، أو استوردها من Excel، أو من رابط شهادة. 3. صحّح أي خانة ناقصة (معلّمة باللون البرتقالي). 4. افتح صفحة "بيانات الأنشطة للتطوير المهني" في فارس وأنت داخل حسابك. 5. اضغط "أضف إلى فارس" وخلّ الصفحة لين تخلص. 6. راجع الدورات في فارس واضغط "فحص الأنشطة" بنفسك. اللي ما تسويه الأداة • ما تضغط "ارسال للموافقة"، ولا تعلّم "اقر بصحة البيانات المدرجة"، ولا "فحص الأنشطة". هذي يسويها المعلم بنفسه. • ما تطلب اسم المستخدم ولا كلمة المرور. تشتغل على صفحة فارس اللي أنت داخلها. الخصوصية دوراتك محفوظة في جهازك بس، والأداة ما ترسلها لأي سيرفر. ما فيها إعلانات ولا إحصاءات ولا تتبّع. تنكتب الدورات في فارس بس لما تضغط "أضف إلى فارس"، وصفحة الشهادة تنفتح بس لما تلصق رابطها وتضغط "جلب". ما تحفظ اسمك ولا رقم سجلك المدني، ورقم الشهادة ينحفظ بصمة مشفّرة بدل الرقم نفسه. الصلاحيات • الوصول لموقع فارس (sshr.moe.gov.sa): عشان تتعرف على صفحة الأنشطة وتعبّي فيها دوراتك لما تطلب. • الوصول لموقع فيوتشر إكس (futurex.sa): عشان تقرا صفحة الشهادة اللي تلصق رابطها، وبس. الدعم لأي مشكلة أو اقتراح: info@athar-pro.com أداة مستقلة غير تابعة لوزارة التعليم. من أثر.