Llafazani – lexo me zë në shqip

Llafazani lexon me zë artikujt dhe tekstet e faqeve në shqip. Zëri krijohet në pajisjen tuaj: asgjë nuk dërgohet askund.

Llafazani lexon me zë në shqip artikujt dhe tekstet e faqeve që shfletoni, me zërat Agon dhe Dardan, të krijuar me inteligjencë artificiale posaçërisht për shqipen. Si lexohet një faqe • Hapni një artikull dhe klikoni ikonën e Llafazanit (ose shtypni Alt+Shift+L): lexohet artikulli i faqes, pa reklamat, menytë dhe komentet. • Përzgjidhni një tekst, klikoni me të djathtën dhe zgjidhni «Lexo me Llafazanin»: lexohet vetëm ai tekst. • Fjalia dhe fjala që po lexohen ngjyrosen në faqe; një klik në tekst e vazhdon leximin nga ajo fjali. • Lexuesi i vogël lart djathtas ka pauzën, fjalinë e mëparshme dhe tjetrën, shpejtësinë e dëgjimit (deri në 3×) dhe zgjedhjen e zërit. Mund ta zhvendosni ku të doni, dhe ngjyrat e tij i përshtaten faqes, qoftë ajo e çelët apo e errët. • Cilësimet hapen në panelin anësor të shfletuesit: shpejtësia e leximit, pauzat, ngjyrosja dhe fjalori juaj i shqiptimit për emrat e huaj dhe shkurtimet. • Përdoret edhe me tastierë dhe me lexues ekrani (Alt+Shift+Space e ndal dhe e vazhdon leximin). Zëri krijohet në pajisjen tuaj Herën e parë, shtesa shkarkon modelin e zërit (rreth 312 MB) nga Llafazani.com. Nëse në të njëjtin shfletues e keni përdorur tashmë Llafazanin në shfletues (llafazani.com/lexo), e merr prej aty, pa e shkarkuar sërish. Pastaj leximi nis pa pritur, edhe pa internet. Privatësia Shtesa e lexon një faqe vetëm kur ia kërkoni. Tekstet nuk dërgohen askund dhe nuk ruhen. Nuk ka llogari, reklama apo gjurmues. Llafazani është falas, edhe për përdorim tregtar. Më shumë: https://llafazani.com — Llafazani reads web pages aloud in Albanian (the article of the page, or the selected text), with natural AI voices made for Albanian, and highlights the sentence and the word being read. The voice is generated on your device: the text is never sent anywhere. The voice model (about 312 MB) is downloaded once. Free, no account, no ads, no tracking.