FeiFinder 有無飛? · Asia Miles 兌換機位

Cathay Asia Miles & Avios (British Airways, Qatar Airways) award-seat records · 國泰里數及 Avios 兌換機位並排比較;國泰/英航 Email 提醒。

Supports Cathay Asia Miles and BA/Qatar Avios results, including partner flights shown in supported results, plus JAL International Award Tickets results · works with your own searches on those websites. FeiFinder 有無飛? · Asia Miles 兌換機位 一個人日日搵,不如一班人一齊搵。 搵兌換機位最痛苦係「逐日撳」。FeiFinder 將大家自己搜尋時見到嘅兌換機位 彙集成一個共享池,再配對你訂低嘅路線 —— 其他人搵到位,就用 Email 摘要通知你。 目前支援國泰航空(Cathay Pacific)網站嘅 Asia Miles 兌換機位搜尋、英國航空(British Airways)網站嘅 Avios 兌換搜尋結果頁、卡塔爾航空(Qatar Airways)網站嘅 Avios 兌換搜尋結果,同日本航空(Japan Airlines)網站嘅 JAL 國際線兌換機位搜尋結果。 Qatar 同 JAL 目前只支援合資格搜尋紀錄及共享池貢獻,未開放路線訂閱或 Email 提醒;路線提醒目前支援國泰及英國航空。 其他指定 oneworld 航空公司的部分訂票頁暫時只提供浮動按鈕,開啟側邊欄並提示網站未支援;不讀取或上載航班結果。部分共用引擎的現金訂票頁亦會顯示。日後是否加入結果讀取及推出時間均未保證。 主要功能: • 搜尋紀錄 — 顯示各來源可可靠記錄的航班、時間、艙位及座位資料;價格及附加資料視來源而定。國泰來源另有稅項、機型、座椅及貴賓室參考;BA 價格限下述揀艙情況,Qatar 稅費未記錄。 • 里數 / Avios 餘額 — 喺國泰、英國航空、卡塔爾航空支援訂票頁讀到符合條件嘅餘額回應時, 分站顯示最近快照(唔會加埋;只存喺本機、永不上傳);國泰紀錄另外話你知每個艙位夠唔夠換 • 路線訂閱 — 揀出發地、目的地、日期、艙位、最少座位,可選只限直航、彈性日期; 多機場城市(例如東京)一條訂閱涵蓋晒 • Email 摘要提醒 — 喺你揀嘅收信時段收一封摘要(定時摘要,並非即時通知) • 假期月曆 + 請假攻略 — 20 個國家/地區公眾假期,一次睇兩個月, 自動計算「請幾日放幾日」(短假/長假) • 匯出放假攻略圖 — 5 款風格、直/方/橫 3 種尺寸,可換底圖; 航班分享卡一張圖講晒路線、轉機同各艙里數。圖片喺你部電腦生成,唔會上傳 • 英國航空 Avios — 照常喺英國航空網站搜兌換機位,各班機同艙位座位一齊記錄(BA 顯示艙位可選、但冇列明位數時,顯示「9+」); 你自己揀艙位後,記低網站顯示嘅 Avios 同現金估算價(單程、全部成人),只存喺你私人紀錄 • 卡塔爾航空 Avios — 登入 Qatar 後照常搜兌換機位(1–9 位成人,可加小童、嬰兒,單程或來回),記錄各班機同艙位座位、Classic/Flexi 同 Privilege Deal 標記;只有成人時記錄每位成人 Avios(稅費暫未記錄) • 日本航空 JAL 里數 — 登入 JAL 後照常喺「JAL International Award Tickets」搜兌換機位(單程或來回,成人、青少年、小童、嬰兒),記錄可訂嘅班機、艙位同座位(JAL 結果資料報 9 時,FeiFinder 顯示「9+」);只記錄每位成人價,來回分程記錄,沒有可讀逐程成人價時,里數及稅項留空;候補、售罄及月曆摘要唔記錄;頁面內嵌資料只喺本機用作辨認支援嘅結果頁,獨立夥伴航空及 oneworld 兌換頁嘅航班報價不擷取、不上傳;航空公司及班號按 JAL 提供嘅 marketing airline 資料記錄,實際營運方請以 JAL 頁面為準 • 浮動按鈕 — 在符合條件的國泰、英航、Qatar、JAL 及其他指定航空公司訂票頁提供側邊欄入口;按鈕可能因側邊欄已開啟、頁面彈窗或可用空間而隱藏 • 個人搜尋紀錄 — 自己搜過乜、貢獻過乜,一目了然;每張卡標明來自國泰、英國航空、卡塔爾航空定日本航空 私隱承諾: • 只喺 extension 權限列明嘅國泰航空網站、英國航空兌換頁(www.britishairways.com/travel/redeem)、卡塔爾航空兌換頁(www.qatarairways.com/app/booking)同日本航空國際線兌換結果頁(book-i.jal.co.jp/JLInt)讀取搜尋結果;其他 oneworld 航空公司兌換頁只顯示浮動按鈕,唔讀取、唔上傳航班結果 • extension 從不代你發出任何搜尋,亦唔會代你揀艙位或撳任何掣,只讀你自己搜尋嘅結果 • 唔收集帳號密碼、付款資料、一般瀏覽紀錄(國泰來源網址會隨航班紀錄上傳,詳見下項);Asia Miles 同 BA／Qatar Avios 餘額只存本機、唔上傳;BA、Qatar 同 JAL 嘅會員姓名、會員號碼及會員等級唔儲存、唔上傳;JAL 里數餘額亦唔儲存、唔上傳 • 原始網頁回應只喺本機處理,唔會整份上傳;會上傳解析後嘅航班資料(路線、日期、航班號碼及各航段資料、 各艙座位數、里數、稅項(成人/小童)、搜尋人數、國泰網站來源網址(連 query 參數);英國航空另有艙位等級、成人/小童組合, 同你揀艙後見到嘅價錢(只入你私人紀錄,唔入共享池、唔用嚟提醒),英國航空唔上傳網址;卡塔爾航空另有每艙 Classic/Flexi、Privilege Deal 標記同網站列出嘅停站數,唔上傳網址;JAL 另有訂位艙等、票價類別、各航段艙位、技術經停數、價格範圍同每位成人稅項,只上傳可訂嘅報價,唔上傳網址)連一個隨機安裝 ID;每次開 extension 亦會報版本號做使用統計,詳見私隱政策 • Email 完全自願,用嚟寄你自己訂閱嘅提醒;產品消息可以喺設定隨時關閉 測試期間免費。訂閱路線同貢獻共享池,需完成 Email 驗證並通過批核。 假期資料:date-holidays(CC BY-SA 3.0)。 FeiFinder 係獨立項目,同文中提及嘅航空公司及其常客計劃無關,亦未獲其認可。