bitg — yangi o‘zbek alifbosi (Ö Ğ Ş Ç)

Eski lotin va kirill matnni yangi o‘zbek alifbosiga (Ö Ğ Ş Ç) o‘giradi: belgilangan matn, sahifa, yozayotganda. Oflayn.

bitg — yangi o‘zbek lotin alifbosi (Ö Ğ Ş Ç) uchun. Eski lotin (o‘, g‘, sh, ch) va kirill matnni bir bosishda yangi alifboga o‘giradi. Oddiy «sh → ş» almashtirish emas. Ichida bitg yadrosi ishlaydi — bitg.uz konvertori va Windows/Mac/Linux klaviaturasi bilan bir xil dastur, lug‘at va qoidalar bilan: • inglizcha so‘z, havola, pochta va brendlarga tegmaydi: «push», «https://…/shahar», «Photoshop» o‘zgarmaydi; • tushib qolgan apostrofni tiklaydi: «Ozbekiston gozal» → «Özbekiston gözal»; • kirill matnni ham o‘giradi: «Ассалому алайкум, қўшни» → «Assalomu alaykum, qöşni»; • ikki xil o‘qiladigan so‘zni belgilab, «tekshiring» deydi. Imkoniyatlar • Oyna: matnni yozing yoki qo‘ying — natija darhol, o‘girilgan so‘zlar belgilangan, bitta tugma bilan nusxa. • O‘ng tugma → «bitg: yangi alifboga o‘girish»: maydonda (xat, izoh, forma) matn joyida almashadi, Ctrl+Z qaytaradi; oddiy sahifa matni buferga nusxalanadi. • Tezkor tugma Alt+Shift+Y (o‘zgartirish mumkin). • «Sahifani yangi alifboda ko‘rish»: butun sahifa matni yangi alifboda, yana bir bosish — asl holi. Maydonlar, formalar va kodga tegilmaydi. • Yozayotganda o‘girish — siz tanlagan saytlarda: probeldan keyin so‘z o‘giriladi, kursor joyida qoladi, darhol ⌫ bosilsa asl so‘z qaytadi. Standart holatda o‘chiq; yoqilganda brauzer faqat o‘sha sayt uchun ruxsat so‘raydi. • Interfeys: o‘zbekcha, ruscha, inglizcha. Qorong‘i mavzu. Maxfiylik • Internetga ulanmaydi: matn brauzeringizda o‘giriladi, hech qayerga yuborilmaydi va saqlanmaydi. • Analitika, reklama, hisob yo‘q. Saqlanadigan yagona narsa — sozlamalar (til va avto-o‘girish yoqilgan saytlar). • Kod ochiq: github.com/dtwinuz/bitg Eslatma: Google Docs matnni canvas’da chizadi, u yerda yozayotganda o‘girish ishlamaydi — matnni oynada o‘girib qo‘ying.https://bitg.uz/https://github.com/dtwinuz/bitg/issues