Bank Köməkçisi Pro

İnternet bankçılığında çıxarışları və ödəniş tapşırıqlarını toplu Excel/PDF kimi yükləyin. Məlumat yalnız kompüterinizdə qalır.

İnternet bankçılığında gündəlik mühasibat işlərini sürətləndirən köməkçi. Nə edir: • Vəziyyət — bütün hesabların ümumi qalığı, inkasso və həbs sərəncamları, imza gözləyən sənədlər, IBAN-ı kopyalamaq və rekvizit PDF-i. • Daxil olan ödəniş tapşırıqları — seçdiyiniz dövr üçün hesabınıza daxil olan bütün ödənişlərin bank sənədini PDF kimi yükləyin; istəsəniz ödəyənin VÖEN-i və ya adı üzrə süzün. Hər yükləmə ilə Excel reyestri də hazırlanır. • Ağıllı Excel — seçilmiş hesablar və dövr üzrə bütün əməliyyatlar bir cədvəldə: kateqoriyalar, qaimə nömrələri, valyutalar üzrə yekunlar. VÖEN və ya adla qarşı tərəf süzgəci. • Bank PDF / Excel — bankın öz çıxarışları toplu şəkildə: hamısı, yalnız daxil olan və ya yalnız göndərilən; istəyə görə hər ay üçün ayrıca fayl; artıq yüklənənlər ötürülür. • Ödəniş tapşırıqları — seçilmiş dövrün tapşırıqları PDF kimi (Tarix Şirkət Məbləğ adı ilə) və Excel reyestri; istəyə görə ZIP. Hazırda dəstəklənən bank: Kapital Bank (Birbank Biznes). Təhlükəsizlik: • Yalnız bankdakı kabinetinizə daxil olduqdan sonra işləyir. • Ən əsası heç bir məlumat kənar serverə göndərilmir — fayllar birbaşa kompüterinizə yazılır. Qeyd: Bu genişləndirmə müstəqil hazırlanıb və heç bir bankın rəsmi məhsulu deyil.